一直在這裡寫的，都是比較貼近心裡的話，因為我知道不多人會看這裡，我知道有網址的人都是我相信而且喜歡的人。

　最後一個上課的星期，我才發現自己好像遠離了我一直想要的生活很遠。甚至連我的心，都與我生疏了很多。是的，我變了。這是我一直抗拒的話，朋友說我變了我會努力反駁。但我真的變了。在大學的我，好像比較像真正的我吧，至少是我心裡渴望的形象。

　晚上七對我說了好些話，我很自私的。要自己諗清楚，我想點。那天在報社，譚也說，你知唔知你地做緊乜先，雖然好多人唔知自己做緊乜都可以做得好。我真係唔知自己做緊乜。又記起，那次我話好想係咁玩，但Emily說，咩叫玩？那時我只懂笑，但我連自己想玩乜都唔知。

　我諗，我一直猶豫要不要上莊的原因就係，我想知自己想做乜同埋我做緊乜。

　做自己係好難的。生活是困難的，要是真的在意你在做什麼。好似，我本身就不是多話的人，但在社交生活裡，人地講完一番說話，就要比反應，但對我黎講真係好難。所以有人會話我dead佢，話我hea佢，事實係，我有留心在聽但我真係唔知講咩好，我以為亂咁講一堆野先係hea你。我又不是熱情的人，至少我唔識咩時候先可以攬下好朋友、可以捉住人隻手，即使我心底裡其實好開心你會拍拍我肩頭，會摸摸我的頭，會牽我的手。我好遲鈍，我諗太多。我在意人地點諗我。

　我以前唔係咁架。但我變左。因為我更加有自覺，掛。所以先會諗太多。


　我想做野而唔係講野。我而家仲好混亂，只係有時我會比自己放鬆，乜都唔理。咁生活就會比較輕易，但舒服一排，又突然之間會諗番好多好多野，好似呢兩日咁。

　我第一次發現自己好無知，好自私。

　好想飲酒。想喊一場，我好想比你睇下我喊既情況，我寧願你地可以見到我既呢一面。